काळजातले दु:ख :संकलित आवडलेली कविता.

*🙏काळजातले दुःख!🙏*

👍 *नक्की वाचा* 👌

    *कुणीच कुणाच्या जवळ नाही* 

*हीच खरी समस्या आहे* 

*म्हणून जगण्यात पौर्णिमा कमी*

*आणि अमावस्या जास्त आहे.*

*हल्ली माणसं पहिल्या सारखं* 

*दुःख कुणाला सांगत नाहीत* 

*मनाचा कोंडमारा होतोय* 

*म्हणून आनंदी दिसत नाहीत* .

*एवढंच काय* 

*एका छता खाली राहणारी तरी* 

*माणसं जवळ राहिलीत का ?*

*हसत खेळत गप्पा मारणारी* 

*कुटुंब तुम्ही पाहिलीत का ?*

*अपवाद म्हणून असतील काही* 

*पण प्रमाण खूप कमी झालंय* 

*पैश्याच्या मागे धावता धावता* 

*दुःख खूप वाट्याला आलंय*. 

*नातेवाईक व कुटुंबातले* 

*फक्त एकमेकाला बघतात* 

*एखाद दुसरा शब्द  बोलतात* 

*पण काळजातलं दुःख दाबतात*. 

*जाणे येणे न ठेवणे, न भेटणे, न बोलणे* 

*या गोष्टी कॅज्युअली घेऊ नका* 

*गाठी उकलायचा प्रयत्न करा* 

*जास्त गच्च होऊ देऊ नका*. 

*धावपळ करून काय मिळवतो* 

*याचा जरा विचार करा* 

*बँकेचे अकाउंट भरण्या पेक्षा* 

*आपल्या माणसांची मनं भरा.*

*एकमेका जवळ बसावं बोलावं*

*आणि नेहमी नेहमी*

*तिरपं चालण्याच्या एैवजी* 

*थोडं सरळ रेषेत चालावं*

*समुद्रात चोहीकडे पाणी* 

*आणि पिण्याला थेंबही नाही*

*अशी अवस्था झालीय माणसाची* 

*यातून लवकरच बाहेर पडा*.

*माणसं अन माणुसकी नसलेली घरे* 

*अन देव नसलेले देव्हारे* 

*कितीही पॉश असले* 

*तरी त्याचा काय उपयोग*